Gauti

gauti

Einar Gauti Helgason er varamaður í fræðsluráði fyrir hönd Vinstri hreyfingarinnar græns framboðs. Gauti er 26 ára gamall matreiðslumeistari úr þorpinu sem starfar á veitingastaðnum Bautanum á Akureyri. Hann hóf störf þar árið 2010 við uppvask en í dag starfar hann sem yfirkokkur á Bautanum

Gauti kláraði námssamning á Bautanum og hefur lokið sveinsprófi í matreiðslu árið 2018. Hann hefur lokið diplóma í bjórfræði hjá Ölgerðinni, vaktstjórnunarnámskeiði hjá Iðunni og árið 2018 kláraði hann námskeið hjá Dale Carnegie. Gauti kláraði meistaranám í matreiðslu haustið 2020.

Gauti hefur mikinn áhuga á nærsamfélaginu og hefur mikinn hug á að gera Akureyrarbæ að enn betra samfélagi. Hann hefur undanfarin tvö ár setið sem meðstjórnandi í hverfisnefnd Holta- og Hlíðarhverfis og eru skipulags- og leikskólamál honum ofarlega í huga.

„Helstu baráttumál mín eru jafnrétti, jafnræði, réttlátt samfélag, umhverfismál (fyrst og fremst áherslu á matarsóun og sorpflokkun), opið stjórnkerfi, aukið íbúalýðræði, húsnæðismál ungs fólks, aukin iðnmenntun á Akureyri og aukið gagnsæi í stjórnkerfi ásamt aðgengi allra að menntun og heilbrigðisþjónustu.“

Gauti er þekktur fyrir að vera víðsýnn á alla fleti mannslífsins, það kristallast í fjölbreyttum tónlistarsmekk sem spannar allt tónlistarsviðið frá skagfirska kónginum Geirmundi Valtýssyni og rafiðnarrokki þýsku þungarokkshljómsveitarinnar Rammstein.

Facebook síða Einars Gauta